زوجة في دعوى خلع "ريحته دايمًا زفارة سمك"

"اتخدعت بالمناظر والشقة اللي مفروشة على أعلى مستوى بس بعد شهر العسل ظهرت الحقيقة وريحته بشعه مش قادرة أستحملها".. بهذه الكلمات بدأت الزوجة العشرينية حديثها أمام محكمة الأسرة في بولاق الدكرورفي دعوى الخلع التي رفعتها ضد زوجها لأنه لا تستطيع أن تعيش معه بسبب رائحته. 

أكملت الزوجة حديثها في الدعوى قائلة.. "أنا كنت عارفه أنه شغال شيف سمك وهو كمان مبخلش عليا بحاجة بس دي حاة غصب عني أنا مبقتش قادرة أستحمل ريحته وهو راجع من الشغل وبالرغم من أنه بيستخدم عطور كتيرة بس الريحة أقوى".

"قضينا شهر العسل في إحدى الدول العربية وكان شهر جميل جدًا من أحلى أيام  حياتي اللي عيشتها بس بعد ما رجعنا من شهر العسل ورجع لشغله وبدأت الدنيا تسود بسبب رائحة زفارة السمك علشان طبيعة عمله، حاولت أن أتأقلم مع حياته بس مش قادرة".. بهذه الكلمات أنهت الزوجة حديثها أمام المحكمة والتي أصدرت قرارها بتطليق الزوجة خلعًا.